Azərbaycan,Bakı/müxbir Trend İ.Xəlilova/İlk neft məhsullu tankerləri Moldovanın cənubundakı neft terminalına mart ayında daxil olacaq. Moldova baş naziri Vasile Tarlevin məlumatına əsasən, terminalın tikintisi Azərbaycan şirkəti ilə birgə həyata keçirilib. Bu terminal Qara dənizə çıxışı təmin edəcək.
2007-ci ilin sonuna qədər yük, gələn il isə sərnişin limanlarının istifadəyə verilməsi planlaşdırılıb.
"Beləliklə, biz Qara dənizə sərbəst çıxış əldə edəcəyik və bunun vasitəsilə Azərbaycana yaxınlaşacayıq, Azərbaycan məhsulları sərbəst olaraq Moldovadan Avropaya daxil olacaq", deyə V.Tarlev bildirib.
