...

Prezident İlham Əliyev: Bakı-Tbilisi-Ceyhan Azərbaycan nefti üçün tikilib

Energetika Materials 14 Aprel 2007 14:49 (UTC +04:00)
Prezident İlham Əliyev: Bakı-Tbilisi-Ceyhan Azərbaycan nefti üçün tikilib

Azərbaycan,Bakı/müxbir Trend /2007-ci ilin birinci rübündə Bakı-Tbilisi-Ceyhan neft kəməri artıq tam gücü ilə işləməyə başlayıb. Bu barədə Azərbaycan prezidenti İlham Əliyev Nazirlər Kabinetinin birinci rübün yekunlarına həsr olunmuş iclasında çıxışı zamanı bildirib. Bu barədə rəsmi mətbuatda bildirilib.

"Bu böyük tarixi nailiyyət, böyük uğurumuz və bu kəmərin fəaliyyətinə şübhə ilə yanaşanlara gözəl cavabımızdır", - deyə pezident bildirib.

Əliyev xatırladıb ki, bəzi xarici ölkələrin mətbuatında belə bir informasiya gedirdi ki, Bakı-Tbilisi-Ceyhan kəmərini doldurmaq üçün mütləq başqa ölkələrin nefti lazımdır, Azərbaycanın kifayət qədər neft ehtiyatları yoxdur. Azərbaycan beynəlxalq ictimaiyyəti çaşdırmaq, aldatmaq istəyir. "Ancaq biz h?mis? deyirdik v? bu gun d? subut edirik ki, Bak?-Tbilisi-Ceyhan k?m?ri Az?rbaycan nefti ucun tikilibdir", - deyə prezident qeyd edib.

"Azərbaycan nefti artıq çox rahat şəkildə dünya bazarlarına çatdırılır və gündəlik gücü bir milyon barrel olan kəmər indi gündə bir milyon barrel neft nəql edir. Bu o deməkdir ki, 2008-ci ildə Azərbaycan 50 milyon ton neft ixrac edəcəkdir. 2007-ci ildə isə Azərbaycanda ümumi neft hasilatı 42-43 milyon ton olacaq və bu da çox böyük həcmdir", - deyə Əliyev bildirib.

2007-ci ilin birinci kvartalında "Şahdəniz" yatağından Azərbaycan qazının Bakı-Tbilisi-Ərzurum qaz kəməri vasitəsilə ixracına başlanıb. "Azərbacyan artıq yalnız neft ölkəsi deyil, həmçinin qaz ölkəsidir", - deyə Əliyev bildirib.

Azərbacyanda çoxlu qaz ehtiyatları var. Təkcə "Şahdəniz" yatağında təsdiq olunmuş ehtiyatlar 1 trilyon 200 milyard kubmetr təşkil edir. Bu, artıq xarici şirəktlər tərəfindən də təsdiqlənir, lakin ilk illərdə xarici şirkətlər daha təvazökar rəqəmlər üzərində dayanmışdı, deyə Azərbaycan prezidenti qeyd edib.

"Əgər Azərbaycan ancaq öz daxili tələbatını təmin etsə, yəni fərz edək ki, qazı ixrac etməsə, bu, bizə 100 ilə kifayət edəcəkdir. Bu baxımdan Azərbaycan özünü təbii ehtiyatlarla ən çox təmin edə bilən ölkəyə çevrilir", deyə ölkə başçısı bildirib.

Nəzərə alaq ki, bizim başqa yataqlarda da qaz ehtiyatlarımız var, xüsusilə Azəri-Çıraq yataqlarında "dərin qaz" adlandırılan qaz layları var. Orada qaz ehtiyatları ən azı 300 milyard kubmetrdir.

Şübhəsiz ki, başqa yataqlarda da qaz ehtiyatlarımız var. Bu, Azərbaycanın enerji təhlükəsizliyini uzun illər, onilliklər ərzində təmin edəcək və Azərbaycanı qaz ixrac edən ölkəyə çevirəcək.

Rusiyadan qaz idxalı dayanandan sonra Azərbaycan zərrə qədər də zərər çəkmədi.

"Biz sübut etdik ki, özümüzü istənilən yolla təmin edə biləcəyik. Nəinki özümüzü, hətta qış aylarında problemlərlə üzləşən dost Gürcüstan xalqını da qazla təmin etdik və oraya da qaz verdik", - deyə prezident İ.Əliyev qeyd edib.

İndi isə "Şahdəniz" yatağından çıxan qaz artıq Gürcüstan bazarına daxil olur və yaxın zamanlarda Türkiyəyə də daxil olacaq. Ondan sonra isə Avropa bazarlarına göndəriləcək.

Xəbər lenti

Xəbər lenti