Azərbaycan,Bakı/müxbir Trend İ.Xəlilova/ Azərbaycanın Maliyyə Nazirliyinin gözləmələrinə əsasən, 2007-ci ilin birinci rübündə Azərbaycan Beynəlxalq Əməliyyat Şirkətindən (ABƏŞ - "Azəri-Çıraq-Günəşli" yatağının işlənməsi üzrə operator) dövlət büdcəsinə gəlirə olan vergi qismində daxilolmalar 510 mln. manat təşkil edəcək. Bu barədə bazar ertəsi Maliyyə Nazirliyindən məlumat verilib.
2006-cı ildə ABƏŞ-dən dövlət büdcəsinə gəlirə olan vergi qismində 1216,9 mln. manat daxil olub.
Ən böyük daxilolmalar neftə olan yüksək qiymətlə əlaqədar (barrelə 70 dollardan çox) üçüncü rübün payına düşüb və 400 mln. manatı keçib. Dördüncü rübdə 245 mln. manat əldə olunub. 2006-cı ilin son rübündə daxil olmalar proqnozlaşdırılmış 50 mln. manat həcmindən aşağı olub.
Beynəlxalq Valyuta Fondu inflyasiya artımının qarşısını almaq üçün Azərbaycan hökumətinə bu neft dollarlarının bir başa olaraq ölkənin Dövlət Neft Fondunun hesabına köçürməyi təklif edib. Lakin bu təklif Azərbaycan hökuməti tərəfindən dəstəklənməyib və 2007-ci ildə neft şirkətlərindən gəlirə olan vergilər dövlət büdcəsinə köçürüləcək.
Bununla belə, ADNŞ və Maliyyə Nazirliyi arasında 11 avqust 2006-cı ildə imzalanmış müqaviləyə əsasən, dövlət büdcəsinin valyuta daxilolmaları idərə üçün Neft Fonduna verilir.
