Azərbaycan, Bakı /müx. Trend / Cümə günü ARNDŞ-dan verilən məlumata görə, "Anshad Petrol" birgə müəssisəsi və "Gobustan Operating Company" (GOC) əməliyyat şirkəti 2007-ci ilin yanvar-may aylarında 13,45 mln. kubmetr həcmində ARNDŞ-in sərbəst qazını satıb ki, bu da 2006-cı ilin analoji dövr göstəricisindən 0,37 mln. kubmetr çoxdur.
ARNDŞ-in məlumatına görə, 2007-ci ilin may ayında şirkətlər 1, 79 mln. kubmetr qaz satıb. BM-in sərbəst qazının birinci satışı 2004-cü ilin mayında 2 mln. kubmetr həcmində olub. ARNDŞ "Anshad Petrol"dan qazın bir kubmetrini 13,1 min dollara alı r və "Azəriqaz" QSC-yə verir ki, bu müəssisə də qazı öz növbəsində "Azəriqaz"ın tərkibinə daxil olan "Aztransqaz" vasitəsilə paylaşdırır. GOC şirkəti qazın bir kubmetrini 1,33/1 mln. dollara satır.
GOC "PSA" üzrə ARNDŞ tərəfindən imzalanmış "Cənub-qərbi Qobustan" blokunun işlənməsi ilə məşğul olur. Səbəst qazın satışına bu şirkət bu ilin fevralında başlayıb. GOC-da iştirak payının 80%-i "Commonwealth Gobustan Limited"-ə məxsusdur, 20% isə ARNDŞ-ə təhkim olunub. "Commonwealth Gobustan Limited"-də 37,7% "Arawak Energy"yə, 62,83 % isə "China National Petroleum Company"ya məxsusdur.
"Anshad Petrol" Neftçala, Xillə və Babazanan quyularından qaz hasil edir.
"Anshad Petrol" BM 1993-cü ildə ARNDŞ və "Atilla Dogan Petrol" Türkiyə şirkəti arasında keçmiş "Neftçalaneft" müəssisəsinin əsasında yaradılıb. 1994 və 1996-cı illərdə "Anshad Petrol" müəssisəsinin operatoru "Atilla Dogan Petrol" müəssisəsi olub, lakin 1997-çi ildən ARNDŞ bu vəzifəni öz üzərinə götürüb. 1995-ci ildə Malaziyanın "Land and General Berhad" şirkəti "Atilla Dogan Petrol"un 17,15%-ni almaqla layihənin iştirakçısına çevrilib.
