Azərbaycan, Bakı/ Trend müxbir S.Əliyev/ "Azəri-Çıraq-Günəşli" yatağından hasil olunan nefti qəbul edən Səngəçal neft terminalında layihənin üçüncü mərhələsi çərçivəsində genişləndirmə üzrə tikinti işləri başa çatdırılıb. Bu barədə terminalın meneceri Normani İnqrem bildirib.
Onun sözlərinə görə, hazırda terminalda avadanlıqların yoxlanılması aparılır. İnqrem bildirib ki, 132 sistemdən 29-da yoxlama işləri aparılıb. İlin sonuna qədər bütün sınaq və yoxlama işləri başa çatdırılacaq.
Genişləndirmə işləri başa çatdırıldıqdan sonra onun gücü hazırkı 800 mindən 380 min barrelə qədər artacaq və nəticədə terminalın sutkalıq gücü 1,1 mln. barrel təşkil edəcək.
