Azərbaycan, Bakı/ Trend müxbir S.Əliyev/ Azərbaycan Gürcüstana öz qazının tədarükü ilə bağlı müqaviləni uzadıb. İyul ayında Gürcüstana sutkada min kubmetr üçün qiyməti 120 dollardan təqribən 1,3 mln. kubmetr qaz tədarük olunacaq. Bu barədə şənbə günü Azərbaycanın Sənaye və Energetika Nazirliyindən məlumat verilib.
Azərbaycan qazının Gürcüstana tədarükü may ayının sonundan bərpa olunub. İyun ayında Gürcüstana min kubmetri 120 dollara 40 mln. kubmetr ARDNŞ qazı tədarük olunmalıdır.
2007-ci ilin ilk üç ayı ərzində Gürcüstana "Azəriqaz"la əldə olunmuş razılığa əsasən, 105 mln. kubmetr Azərbaycan qazı tədarük olunub. Gürcüstan üçün bu qazın qiyməti hər min kubmetr üçün 120 dolar təşkil edib.
Gürcüstan həmçinin Cənubi-Qafqaz qaz kəməri ilə də yanacaq alır. Qaz "Şahdəniz" yatağında hasil olunur.
