Bakı. Elman Rüstəmov - Trend:
Ləğv edilmiş 4 bankın kapitalının bərpası üşün 677 milyon manat həcmində vəsait tələb olunurdu.
Trend-in məlumatına görə, bunu "NBC Bank" və "AG Bank"ın lisenziyalarının ləğv olunması ilə bağlı keçirilən mətbuat konfransında Mərkəzi Bankın İdarə heyətinin sədri Elman Rüstəmov deyib.
Onun sözlərinə görə, qeyri-işlək vəziyyətdə olan ipoteka kreditlərinin məbləği 670 milyon manat təşkil edib ki, bu da Azərbaycan İpoteka və Kredit Zəmanət Fondunun vəsaitləri hesabına verilən kreditlərin 73 faizini təşkil edir.
E.Rüstəmov əlavə edib ki, həmin banklarla müzakirələr bu ilin yanvarından aparılıb, auditor hesabatı müvafiq olaraq 24 və 167 milyon manat həcmində mənfi kapital aşkar edib.