Azərbaycan, Bakı / Trend müxbir S.Babayeva/ Ümumdünya radiorabitə -2007 konfransının 22 oktyabrdan 16 noyabra qədər keçiriləcək plenar iclaslarında iştirak üçün Azərbaycan nümayəndə heyəti Cenevrəyə yola düşüb.
Rabitə və informasiya texnologiyaları nazirliyindən verilən xəbərə görə , Azərbaycan konfransda ITU - yə milli peyk AzerSatın orbital mövqesinin dəqiqləşdirilməsi prosesinin tezləşməsi xahişi ilə müraciət etmək niyyətindədir . Konfransın gündəliyinə həmçinin Azərbaycanın Avropa yaım ərazisinə qoşulması daxildir .
Bundan başqa , konfransda 3G və 4G texnologiyalarının paylaşdırımasına dair azərbaycanın təklifləri irəli sürüləcək .
Konfransın gündəliyi demək olar ki , bütün yerüstü və kosmik xidmətlərin və radiorabitənin tətbiqi əhatə edən 30 sualdan ibarətdir . Bura üçüncü və növbəti səviyyə rabitəsi , hava telemetriya və teleidarəetmə sistemləri , peyk xidmətləri , təhlükəsizlik təminatı və bədbəxt hadisələr üçün dəniz sistemi siqnalları , rəqəmli radioyayım və radiorabitənin təbii fəlakətlərin proqnozlaşdırılması və təyin edilməsi daxildir .
Konfransda hökümət və sahə nümayəndələri , həmçinin beynəlxaln təşkilatlardan olan müşahidəçilər iştirak edəcəklər .