Azərbaycan, Bakı, / Trend , müxbir S.Babayeva/ Azərbaycan Ümumdünya İqtisadi Forumunun (ÜİF) İT texnologiyasından istifadə olunması reytinqində xeyli irəliləmək niyyətindədir. Bu barədə Rabitə və İnformasiya Texnologiyaları nazirliyi informasiya cəmiyyətinin inkişafı şöbəsinin rəhbəri Rüfət Gülməmmədov məlumat verib.
"Bizim qarşıdakı illər üçün hazırladığımız iri telekommunikasiya layihələri və islahatları bu sahədə xeyli irəliləyişlər baş verəcəyini proqnozlaşdırmağa imkan verir" - deyə Gülməmmədov bildirib.
Rabitə nazirliyi gələcəkdə ölkədə regional innovasiya zonasının yaradılmasını, "AzerSat" milli peykinin buraxılmasını həyata keçirməyi, özəlləşdirmə prosesini tezləşdirməyi, müstəqil tənzimləyici orqanın yaradılmasını, "Elektron Azərbaycan" Dövlət Proqramına daxil olan digər tədbiləri həyata keçiməyi planlaşdırır.
Gülməmmədovun sözlərinə görə, gələcəkdə Azərbaycanın ÜİF-in telekommunikasiya xidmətlərindən istifadə üzrə TOP reytinqinə daxil olacağa istisna edilmir.
Azərbaycan 2006-cı ildə ÜİF-in reytinqində 95-ci, 2007-ci ildə 71-ci yeri tutaraq, MDB ölkələri arasında yalnız Rusiyadan geridə qalıb.