Azərbaycan, Bakı, 06 fevral / Trend , müxbir S.Babayeva / Naxçıvan Muxtar Respublikasında (NMR) "Naxtel" SDMA standartları üzrə rabitə şəbəkəsi abunəçilərinin sayı üç mini ötür,- Müxtariyyatın Rabitə və İnformasiya Texnologiyaları Nazirliyinin mətbuat xidmətindən bildirilib.
"Şəbəkə muxtar respublikanın 70 faizini əhatə edir", - məlumatda deyilir.
NMR - da CDMA şəbəkəsi yazda istismara verilib. Quraşdırma işləri NMR Rabitə Nazirliyi və Çinin "Huawei" şirkəti arasında imzalanan müqaviləyə əsasən aparılırb.
Yanvarın 1-nə olan vəziyyətə görə, NMR - da "Naxtel"in 3245 ədəd telefonu var.
İlk dəfə 1995-ci ildə kommersiya məhsulu kimi təqdim olunan CDMA, dünyada ən tez yayılan simsiz texnologiyadan biridir.1999-cu ildə Beynəlxaq Elektrorabitə Birliyi (International Telecommunications Union), CDMA-nı "üçüncü nəslin" (3G) yeni simsiz sistemi üçün sənaye standartı qismində seçib.