Azərbaycan, Bakı, 18 iyul/ Trend , müxbir S.Babayeva/ İnformasiya texnologiyaları üzrə növbəti Azərbaycan -Amerika forumu 2009-cu ilin fevralına planlaşdırılıb. Bu barədə Azərbaycanın rabitə və informasiya texnologiyaları naziri Əli Abbasovun Azərbaycanın Kaliforniyadakı baş konsulu Elin Süleymanovla görüşündə bildirilib. Bu barədə nazirliyin mətbuat xidmət məlumat verib.
"Artıq təşkilati işlər başlayıb", - nazirlikdə qeyd ediblər.
Forumun dəqiq tarixi hələ müəyyən edilməyib.
Görüşdə nazir Abbasovun ABŞ -a əvvəlki səfəri zamanı nümayəndələri ilə görüşlər keçirdiyi "Microsoft", "Cisco" və "Intel" Korporasiyalarının fəaliyyətinin canlandırılması məsələsi müzakirə edilib.
İnformasiya texnologiyaları üzrə əvvəlki-ikinci Azərbaycan -Amerika forumu 2007-ci ilin fevralında keçirilib. Forumda Abbasov "Regional innovasiya zonaları - Azərbaycan iqtisadiyyatının prioriteti" mövzusunda məruzə ilə çıxış edib.
Azərbaycanın nümayəndə heyətinin tərkibinə özəl İT-sektorun, qeyri-hökumət təşkilatlarının və Milli Elmlər Akademiyasının nümayəndələri daxil olublar.
