Azərbaycan, Bakı, 27 avqust/ Trend müxbir S.Babayeva/ AZQTELL telekommunikasiya şirkəti sentyabrdan Azərbaycanda Wi-max xidmətinin (yüksək sürətli naqilsiz İnternet) tətbiqinə başlayacaq, - çərşənbə günü şirkətdən bildiriblər.
"Hazırda sınaq işləri aparılır, stansiyalar quraşdırılır", - AZQTELL - dən bildiriblər. Avadanlıq Amerikanın Cisco şirkətindən alınıb.
Şirkətin xidmətlərinin tarifləri hüquqi və fiziki şəxsləri nəzərə almaqla müəyyən edilib.
AZQTELL birinci mərhələdə - ilin sonuna 1,2 min abunəçi və şəbəkənin bütün Bakı və Abşeron yarımadasının əhatə etməsini, sonrakı üç ildə isə, ölkənin regionlarını əhatə etməsini gözləyir. Bu şirkət texniki baxımdan 4 min abunəçiyə xidmət göstərə bilər.
Şirkət gələcəkdə Wi-max- dan əlavə, istifadəçilərə VoİP,VPN və İP TV texnologiyaları xidmətlərini təqdim etməyi planlaşdırır.
AZQTELL SC 2005 - ci ilin dekabrında yaradılıb. Şirkətin təsisçləri Londonda yerləşən Qtell Global Networks və Bakıda qeydiyyatdan keçmiş Transcaspian Telecom şirkətləridir. 2007- ci ilin birinci rübündə şirkət Azərbaycan ərazisində Wi-max xidmətinin göstərilməsinə dair lisenziya alıb.
