...

Cisco Azərbaycanı İT sahəsində regional mərkəzə çevirməyi planlaşdırır

Telekommunikasiya Materials 17 Sentyabr 2008 17:26 (UTC +04:00)

Trend-i buradan izləyin

Azərbaycan, Bakı, 17 sentyabr/ Trend , müxbir C.Babayeva/ Cisco telekommunikasiya şirkəti regional strukturunda təşkilati dəyişikliklər edib. Şirkətdən verilən məlumata görə, Cisco-nun MDB ofisinə daxil olan bir sıra dövlətlər, o cümlədən Azərbaycan şirkətin Şərqi Avropa bölməsinəaid olunub.

Şərqi Avropa, Cənubi Qafqaz, Mərkəzi Asiya regionlarının 19 ölkəsinin daxil olduğu Şərqi Avropa bölməsinə Cisco şirkətinin vitse-prezidenti Kaan Terzioğlu rəhbərlik edir.

Azərbaycanın Cisco ofisi Şərqi Avropa bölməsi çərçivəsində, Qırğızstan, Özbəkistan, Tacikistan və Türkmənistanla birgə Əli Kuralqanın rəhbərlik etdiyi Mərkəzi Asiya qrupunda da fəaliyyət göstərəcək.

Terzioğlunun bildirdiyinə görə, şirkət regionda fəaliyyətini genişləndirmək və yeni texnologiyaların tətbiqini daha da tezləşdirmək üçün bu addımı atıb.

O qeyd edib ki, Azərbaycanda informasiya texnologiyaları sahəsindəki potensialı və bu sektorun ölkədəki inkişaf templərini nəzərə alaraq, Cisco şirkəti Azərbaycanı Mərkəzi Asiya regionu üçün İKT sahəsində regional mərkəzə çevirmək niyyətindədir.

Bunun üçün Azərbaycanda bütün imkanlar var. Cisco -nun məqsədi Azərbaycanda informasiya texnologiyalarını inkişaf etdirərək, ölkənin tərəqqisinə nail olmaq və Azərbaycanı dünyanın ən inkişaf etmiş ölkələri sırasına çıxarmaqdır.

Cisco şirkəti Azərbaycanda sistemli şəkildə böyük layihələr həyata keçirməyi planlaşdrır. Prioritet sahələrdən biri dövlət sektorudur. Cisco Azərbaycanın dövlət institutları ilə birgə müxtəlif layihələr həyata keçirmək niyyətindədir.

Şirkəti bank, telekommunikasiya, təhsil və digər sahələrdə də yeni texnologiyalar tətbiq etməyi planlaşdırır. Cisco Azərbaycanda NGN layihəsinin həyata keçirilməsinə kömək etməyə hazırdır. Terzioğlunun sözlərinə görə, Cisco şirkəti bu istiqamətdə böyük təcrübəsi və müasir texnologiyaları ilə Azərbaycanın mühüm tərəfdaşı ola bilər.

Onun sözlərinə görə, şirkət Azərbaycanda informasiya texnologiyaları sahəsində kadr potensialını gücləndirmək üçün Şəbəkə Akademiyalarının sayını artırmağı, tədris proqramlarını genişləndirməyi planlaşdırır.

Məqalə müəllifi ilə əlaqə ünvanı - [email protected]

Xəbər lenti

Xəbər lenti