Azərbaycan, Bakı, 08 avqust / Trend , müxbir H. Vəliyev /
Catel şirkəti CDMA simsiz rabitənin Şəki, Cəlilabad və Tovuzda baza stansiyalarının quraşdırılması üzrə iş aparır. Bu barədə Trend -a şirkətdən məlumat verilib.
Hazırda Catelin CDMA şəbəkəsi Bakı, Abşeron yarımadası və Sumqayıtdan savayı, Sanqaçal, Ələt, Kürdəmir, Ucar, Şirvan, Göyçay, Mingəçevir, Gəncə, Şəmkir, Ağstafa, Balakən, Dəvəçi, Nabran, Xudat, Xaçmaz, Lənkəran, Astara və Masallını əhatə edir.
Catel gələcəkdə respublikanın bütün regionlarında CDMA baza stansiyaları quraşdırmağı planlaşdırır.
Catel şirkəti öz müştərilərinə 800 Mhz diapozonunda işləyən CDMA 2000 1X standartlı mobil xidmətlər rəklif edir. CDMA 2000 həlli əsasən universal telekomunikasiya xidmətləri verilməsi üçündür.
CDMA standartı DSL-ə genişzolaqlı alternativ girişdir və əhalinin, xüsusən də kabel xətləri çəkilməsinin məbləği yüksək olan uzaq rayonların sakinlərinin informasiyaya (əsasən də İnternet şəbəkəsinə) girişini asanlaşdırır.
Catel şirkəti CDMA standardlarında 2003-cü ilin ortalarından xidmət göstərir. CDMA şəbəkəsinin rəsmi açılışı isə 2004-cü il avqustun 13-də olub.
Məqalə müəllifi ilə əlaqə ünvanı: [email protected]
