Azərbaycan, Bakı, 01 sentybar / Trend , müxbir H.Vəliyev /
Azərbaycanın mobil rabitə operatoru Bakcell abunəçilərin rabitə problemi yaşamasına səbəb olan şəbəkəsində yaranmış texniki qüsurları aradan qaldırıb.
Trend -a Bakcell şirkətindən bildirildiyi kimi, şəbəkənin işi bərpa olunub və xidmətlər əvvəlki rejimdə təqdim edilir.
Bakcell şirkəti 1994-cü ilin mart ayında GTIB şirkətinin və Azərbaycanın Rabitə Nazirliyinin birgə müəssisəsi kimi təsis edilib, ölkədə ilk mobil rabitə operatorudur. 1998-ci ilin dekabrında Bakcell şirkəti GSM texnologiyasını tətbiq edib. 2003-cü ilin dekabrında şirkətin özəlləşdirilməsi prosesi uğurla başa çatıb. 2004-cü ilin yanvar ayından başlayaraq Bakcell 100 faiz özəl kapital ilə fəaliyyət göstərir.
Şirkətin abunəçilərinin sayı 1,5 milyondan çoxdur.
Məqalə müəllifi ilə əlaqə ünvanı: [email protected]