Azərbaycan, Bakı, 03 sentyabr / Trend , müxbir Q.Vəliyev/
Azərbaycanın və İranın mobil əlaqə operatorları sərhəd regionlarında CSM tezliklərinin koordinasiyası üzrə iyunda imzalanan ikitərəfli razılaşmaya əsasən, tezlik resurslarının bərabərhüquqlu istifadəsi üzrə iş aparırlar. Rabitə və İnformasiya Texnologiyaları Nazirliyinin telekommunikasiya şöbəsinin baş məsləhtçisi Qulam Abdullayev Trend -a bu haqda məlumat verib.
Abdullayevin sözlərinə görə, Rusiya və Gürcüstanla da Azərbaycan bu qəbil razılaşma imzalayıb. Əsas məqsəd tezliklərin kəsişmə hallarını aradan qaldırmaq və mobil rabitənin sərhəd regionlarında normal işini təmin etməkdir. Belə ki, sərhəd regionlarında CSM operatorlarına konkret tezlik resursları ayrılıb və bu resursları digər tərəflər istifadə etməyəcək.
Məqalənin müəllifi ilə əlaqə ünvanı: [email protected]
