...

Azərbaycanın Rabitə və İnformasiya Texnologiyaları Nazirliyi elektron rəqəmli imzaların (ERİ) açarlarının verilməsi üçün avadanlıqların testləşdirilməsini başa çatdırıb

Telekommunikasiya Materials 9 Avqust 2010 15:22 (UTC +04:00)

Azərbaycan, Bakı, 9 avqust /Trend, müxbir H.Vəliyev/

Azərbaycanın Rabitə və İnformasiya Texnologiyaları Nazirliyi elektron rəqəmli imzaların (ERİ) açarlarının verilməsi üçün avadanlıqların testləşdirilməsini başa çatdırıb. Bu barədə nazirliyin məlumatında deyilir.

İdarənin məlumatına görə, elektron rəqəmli imzaların ilin sonunadək verilməsi gözlənilir və bu gün onların verilməsi üzrə işlər görülür. Qəbul edilmiş normalara görə o, pullu əsasda həyata keçiriləcək.

Layihə Azərbaycanın "Elektron imzalar və elektron sənədlər haqqında" Qanunu əsasında "Ultra", "Azerin" və "Microsoft"un yerli nümayəndəliyindən ibarət konsorsium tərəfindən həyata keçirilir.

ERİ açarlarının verilməsi mərkəzinin yaradılmasına, test işləri də daxil olmaqla, orta hesabla, üç milyon dollara yaxın vəsait tələb edilir.

Layihəyə uyğun olaraq, Azərbaycanda rəqəmsal imzaların verilməsinə üç mərkəzin cəlb olunması planlaşdırılıb. Onlardan 2-si dövlət və özəl sektora xidmət göstərəcək, digəri isə baş mərkəz olacaq.

Elektron imza xüsusi proqram təminatlı əsas sənədin yaranması hesabına əldə olunan rəmzlərin müəyyən ardıcıllığını özündə ehtiva edir. Göndərilmə zamanı əsas sənədə rəqəmli imza əlavə olunur ki, bunun da nəticəsində müəlliflik və sənəddəki məlumatın dəyişməzliyi öz təsdiqini tapır. Əsas sənədə istənilən dəyişiklik etməklə elektron imza öz qüvvəsini itirir.

Rəqəmli imzanın əldə olunması təşkilatın internet şəbəkəsi vasitəsilə mübadilə etdiyi sənədin müəllifliyi və məzmunu ilə bağlı əmin olmağa imkan verir. Elektron imzanı saxtalaşdırmaq mümkün deyil. Rəqəmli imza ilə imzalanmış sənəd və əllə imzalanmış sənəd bərabər tutulur.

Xəbər lenti

Xəbər lenti