Аzərbaycan, Bakı, 28 avqust /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyinin "Aztelekom" İstehsalat Birliyi respublika daxili magistral rabitə xətlərinin təhlükəsizliyi qaydalarını tətbiq edir. Bu barədə nazirlikdən verilən məlumatda deyilir.
Məlumata görə, təhlükəsizlik tədbirləri "Aztelekom" kabel magistrallarının texniki qovşağı və operator telekommunikasiya qovşağı ilə bağlı çəkilmiş magistral xətlər boyunca qazma işləri üzrə bütün detalların uyğunlaşdırılmasını nəzərdə tutur.
İdarənin həm dövlət, həm də özəl subyektlərə aid olan qərarı qəza halları və rabitə xətlərində pozğunluqlara gətirib çıxaran hansısa özbaşına işlərin qarşısını almaq məqsədilə qəbul olunub. Təhlükəsizlik qaydalarını pozan fiziki və hüquqi şəxslər inzibati cinayət məsuliyyətinə cəlb olunacaqlar.
Operator kabel xətləri çəkilmiş ərazilərdə işlərin həyata keçirilmısi üçün Kabel magistrallarının texniki qovşağından (KMTQ) və yerli icra orqanlarından yazılı müraciətdən sonra rəsmi razılıq almalıdır.
Yazılı müraciətlər Bakıda KMTQ, eləcə də Sahil qəsəbəsi, Xırdalan, Şamaxı, Göyçay, Siyəzən, Bərdə, Lənkəran, Sabirabad, Beyləqan, Qazax, Salyan, Şəki, Zaqatala, Qəbələ, Şəmkir, Ucar, Kürdəmir, Gəncə və Göygöl şəhərlərində yerləşən operator telekommunikasiya qovşağında qəbul olunur.
