Azərbaycan, Bakı, 17 dekabr /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyinin Bakı Telefon Rabitəsi İstehsalat Birliyi Badamdar qəsəbəsinin bütün ərazisində 438 və 439 saylı ATS-lərin abonentlərinin qoşa xətlərinin bloklaşdırılması və telefon nömrələrinin miqrasiyası üzrə işləri başa çatdırıb. Bu abrədə Trend-ə cümə günü Birliyin baş direktorunun müavini Xankişi Kişiyev deyib.
İşlər göstərilən ATS-lərin yenidən qurulması ilə aparılır. Bu, onların əlaqəli telekommunikasiya infrastrukturunun NGN-ə (Next Generation Network - gələcək nəsil şəbəkəsi) keçidini nəzərdə tutur.
Kişiyevin sözlərinə görə, qarşıdakı bayram günlərində abonentləri narahat etməmək üçün bu ATS-lərin fəaliyyət göstərdikləri ərazidə miqrasiya və köhnə tutumlu nömrələrin açılması üzrə işlər müvəqqəti olaraq dayandırılıb. Belə ki, yeni nömrə tutumuna keçid zamanı nömrələr dəyişdirilə bilər.
Baş direktorun müavininin sözlərinə görə, bu səbəblərə görə mirqasiya üzrə işlər 494 və 495 saylı ATS-lərin fəaliyyət göstərdikləri ərazilərdə də dayandırılıb.
"Bu günə 438/439 və 494/495 saylı ATS-lərin (hər biri 19 min) nömrə tutumlarının 20 faizə yaxını artıq elektron şəklə salınıb. Bundan başqa, 493 və 498 saylı ATS-lərdə də yeni telekommunikasiya avadanlığının quraşdırılması üzrə işlər davam etdirilir. Stansiyalar NGN-nin bazası əsasında tikilir", - Kişiyev qeyd edib.
Göstərilən ATS-lərdə yenidənqurma işlərinin aparılması ilə operator Bakının bütün şəbəkə infrastrukturunun 100 faizlik elektronlaşdırılmasına nail olmaq niyyətindədir. Hazırda operatorun şəbəkəsində fəaliyyət göstərən ATS-lərin 60 faizindən çoxu gələcək nəsil şəbəkəsi bazası əsasında qurulub.
NGN şəbəkəsinə keçid prioritet vəzifələrdən biridir. Bunun köməyi ilə operator yeni xidmətlər seqmentini uzunmüddətli perspektivdə artımı stimullaşdırmaq niyyətindədir. Yeni sistem operatora rabitənin ənənəvi xidmətləri ilə yanaşı, IP-telefoniya, genişzolaqlı internet və IP-TV xidmətlərini də göstərməyə imkan verəcək.
