Azərbaycan, Bakı, 28 yanvar /Trend, müxbir H.Vəliyev/
Azərbaycan Milli Elmlər Akademiyasının İnformasiya Texnologiyaları İnstitutu "Elektron hökumət" infomasiya təhlükəsizliyinin təminatı layihəsini gerçəkləşdirir. Bu barədə cümə günü institutun direktoru Rasim Əliquliyev deyib.
Onun sözlərinə görə, bu günə institut tərəfindən alqoritmlərin hazırlanması və informasiya təhlükəsizliyinin idarəsi metodları üzrə işlər aparılır.
"İşlər "Elektron hökumət" infomasiya təhlükəsizliyinin təhlilinin aparılması, onun operativ və strateji idarəsi, daxili və xarici təhlükələr vəziyyətinin təhlilini nəzərdə tutur. Bütün qeyd olunanlar biometrik identifikasiya sistemi komponentlərindən biri hesab olunur. Mövcud komponent bütünlüklə informasiya təhlükəsizliyinin təminatına yönəldilib ki, bu da öz növbəsində milli informasiya təhlükəsizliyi komponentidir", - Əliquliyev deyib.
Onun sözlərinə görə, institut tərəfindən həyata keçirilən işlər elektron mühitdə dövlət sirrinin informasiya müdafiəsinin təminatı metodlarının tədqiqi, gedən proses monitorinqləri, Spam-fəallığın təhlili və onunla mübarizə, bu sahədə tendensiya və trendlərin müəyyən olunmasını nəzərdə tutur.
