Azərbaycan, Bakı, 11 mart /Trend, müxbir H.Vəliyev/
Yanvar fevralda Azərbaycan Rabitə və İnformasiya Texnologiyaları Nazirliyi yanında Dövlət Radiotezliklər İdarəsinin Efir nəzarəti şöbəsi tərəfindən 412 ədəd qeydiyyatdan keçməmiş radioelektron vasitə aşkar olunub. Trend-in məlumatına görə, bu barədə DRİ-nin məlumatında deyilir.
Ötən dövr ərzində Dövlət Radiotezliklər İdarəsi tərəfindən 123 müəssisə və təşkilata texniki baxış keçirilib.
Aşkar olunan qeydiyyatdan keçməmiş radioelektron vasitələrin ümumi sayından 124 ədədi möhürlənib, qalan 288 vasitə üzrə qeydiyyat prosesi həyata keçirilir.
Radioelektron vasitələrin istifadəçilərinə qarşı İnzibati Xətalar Məcəlləsinə əsasən 21 protokol tərtib edilib və müvafiq tədbirlər görülüb.