Azərbaycan, Bakı, 13 iyun /Trend, müxbir H.Vəliyev/
"Samsung Electronics" şirkəti öz məhsullarının Azərbaycana qeyri-qanunu gətirilməsi ilə mübarizə üzrə strategiya hazırlayır. Trend-in məlumatına görə, bu barədə bazar ertəsi "Samsung Electronics"in Azərbaycandakı nümayəndəliyinin rəhbəri Cey Xi Çan deyib.
Çanın sözlərinə görə, "Samsung Electronics" şirkəti üçün daha mühüm aspekt tərəfdaşların Azərbaycanda əməkdaşlıq etmələridir. Onlarla bu gün strategiya müzakirə edilir və bu barədə iyulun əvvəlində elan ediləcək.
"Təəssüf ki, Azərbaycanın mobil telefonlar bazarında hazırda yer alan "Samsung" istehsalı olan "boz məhsullar"la bağlı əsas mənfi an bizim üçün şirkət kimi maliyyə ilə yanaşı, istifadəçilərin razı qalmamasıdır. Bu daha çox onunla bağldır ki, "boz kanallar" vasitəsilə tədarük edilən məhsul əsasən onların digər bazarlar üçün istehsal edildiyinə görə müəyyən funksiyaları dəsətəkləməyə bilər", - Xi Çan deyib.
Onun sözlərinə görə, ötən ilin yekunları üzrə Azərbaycana rəsmən 230 min mobil telefon tədarük edilib.
"Samsung Electronics" nümayəndəliyinin rəhbəri hesab edir ki, Azərbaycanın mobil telefonlar bazarı, xüsusilə də smartfonlar seqmentində yüksək artım templəri nümayiş etdirir, bu isə şirkət üçün böyük maraq doğurur.
"Əlbəttə ki, Azərbaycan bazarında smartfonların adi mobil telefonlara nisbətdə payını qiymətləndirmək çətindir, lakin qiymətləndirmələrimizə görə, o, orta hesabla 5 faiz təşkil edir. Güman edirəm ki, yaxın 5 ildə "Samsung Electronics"in smartfonlar seqmentində payı 30 faizə çatacaq", - Xi Çan vurğulayıb.
Xi Çanın sözlərinə görə, perspektivdə Azərbaycan bazarının yeni texnologiyaları, xüsusilə də dördüncü nəsil standartını (4G) qəbul etmək iqtidarında olması ilə "Samsung Electronics" Azərbaycan bazarına bu qurğuları da tədarük edəcək.
Hazırda "Samsung Electronics"in Azərbaycanın mobil telefon bazarında təmsil olunan telefonlarının əksəriyyəti 3G standartını dəstəkləyir.