Azərbaycan, Bakı, 5 iyul /Trend, müxbir H.Vəliyev/
"Samsung Electronics" şirkəti öz məhsullarının Azərbaycana qeyri-leqal gətirilməsi ilə mübarizəyə dair strategiyasını həyata keçirməyə başlayıb. Trend-in məlumatına görə, bu barədə çərşənbə axşamı "Samsung Electronics" şirkətinin Azərbaycandakı nümayəndəliyinin rəhbəri Cey Hi Çan bildirib.
Çanın sözlərinə görə, qeyri-leqal gətirilmə ilə mübarizə üzrə yeni strategiya Azərbaycan bazarına çıxarılan məhsulların xüsusi holoqramlarla markalanmasını nəzərdə tutur.
"Holoqramlarla məhsulların yalnız iki kateqoriyası - mobil telefonlar və televizorlar işarələnəcək. Məntiqi olaraq, holoqramların qeyd olunduğu məhsulda onun leqal gətirilməsi göstəriləcək ki, bu da öz növbəsində istehlakçıya avtorizə olunmuş xidmət göstərməklə onun hüquqlarının müdafiə olunmasına imkan verəcək", - Hi Çan deyib.
"Samsung Electronics" şirkətinin Azərbaycandakı nümayəndəliyinin rəhbərinin fikrincə, Azərbaycanın mobil telefon və televizor bazarındakı "boz məhsul"larla bağlı mənfi məqam şirkət üçün maliyyə baxımından başqa, istifadəçilərin narazılığıdır ki, bu da vendor üçün heç də az əhəmiyyət kəsb etmir.
"Boz məhsul" zəmanətlə müdafiə olunmayıb, onun həyata keçirdiyi funksiyalar əksər hallarda müəyyən regional bazarlar üçün nəzərdə tutulub.
"Bu gündən Azərbaycan bazarında tətbiq olunacaq holoqramlar bilavasitə MDB ölkələrinin bazarlarına şamil olunacaq", - Hi Çan deyib.