...

Azərbaycanın rabitə operatoru CDMA şəbəkəsində səs xidməti və məlumat ötürməni təkmilləşdirir

Telekommunikasiya Materials 6 Sentyabr 2011 17:04 (UTC +04:00)

Azərbaycan, Bakı, 6 sentyabr /Trend, müxbir H.Vəliyev/

"Bakı Telefon Rabitəsi" İstehsalat Birliyi tərəfindən simsiz CDMA şəbəkəsində həyata keçirilən inkişafın növbəti mərhələsi şəbəkədə səs servisi və məlumatların ötürülməsi xidmətinin təkmilləşdirilməsi olacaq. Bu barədə Trend-ə çərşənbə axşamı CDMA xidmətləri şöbəsinin rəhbəri Murad Cəbrayılov bildirib.

İB Azərbaycan Rabitə və İnformasiya Texnologiyaları Nazirliyinin nəzdindədir.

Cəbrayılovun sözlərinə görə, şəbəkə infrastrukturlarının təkamülü labüddür, çünki yeniliklər İT cihazlarının istehsalçıları tərəfindən diktə edilir, onların məhsulları il keçdikcə daha çox universal olur. Bu, öz növbəsində, operatorların xidmət qaiməsinin artmasına və onların keyfiyyətinə müsbət təsir edir.

"CDMA simsiz şəbəkəsinin təkmilləşdirilməsi və burada yeni texnologiyaların tətbiqi bizim üçün birinci dərəcəli vəzifədir, bu istiqamətdəki iş daim davam edir. İB tərəfindən istifadə olunan şəbəkə hazırkı göstəricilərə görə ilkin mərhələdədir. İnkişafın ikinci mərhələsi CDMA standartlı şəbəkələrdə işlədilən EV-DO məlumat ötürmə texnologiyasının tətbiqi olacaq. İstisna deyil ki, bir nəsil irəli getməklə biz həm səs servisini, həm də məlumat ötürmə xidmətlərini EV-DV texnologiyasını tətbiq etməklə təkmilləşdirə bilərik", - o bildirib.

Onun sözlərinə görə, istehsalçılar tərəfindən təkliflər İB-yə müntəzəm olaraq gəlir, onların tətbiqi üçün isə vaxt lazımdır, çünki bu məsələdəki mühüm amil əlavə investisiyaların cəlb edilməsi ilə yanaşı, lazımi tezlik resurslarının da mövcud olmasıdır.

Xəbər lenti

Xəbər lenti