Azərbaycan, Bakı, 2 mart /Trend, müxbir H.Vəliyev/
Azərbaycanın Dövlət Radiotezliklər İdarəsinin (DRİ) Radioelektron vasitələrin istismarına nəzarət şöbəsi yanvar-fevral aylarının yekunu üzrə 208 ədəd qeydiyyatdan keçməyən radioelektron vasitə (REV) aşkarlayıb. Trend-in məlumatına görə, bu barədə cümə günü DRİ-nin məlumatında deyilir.
Ötən dövr ərzində DRİ 99 müəssisə və təşkilata texniki baxış keçirib.
Qeydiyyatdan keçməyən REV-lərdən 2 ədədi qeydiyyata salınıb, 34 ədədi möhürlənib, qalan 172 ədədinin qeydiyyata salınması üçün müvafiq tədbirlər görülür.
Qeydiyyatdan keçməyən REV istifadəçilərinə qarşı protokol yazılıb və müvafiq hüquqi tədbirlər həyata keçirilib.