Azərbaycan, Bakı, 29 mart /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyinin "Aztelekom" İstehsalat Birliyinin (İB) ümumi istifadə olunan telefon şəbəkəsinin nömrə tutumu 700 min ədədə çatıb. Bu barədə cümə axşamı Trend-ə İB-nin mətbuat xidmətinin rəhbəri Vidadi İsmayılov bildirib.
Onun sözlərinə görə, operatorun nömrə tutumunun ümumi sayından 670 min ədədi istismardadır.
"Bu gün, statistikaya əsasən, hər 100 nəfərə 12, hər 100 ailəyə isə 57 telefon düşür", - İsmayılov qeyd edib.
Operatorun məqsədi stasionar telefoniyanın inkişafı zamanı genişzolaqlı qoşulmaların sayını artırmaqdır.
