Azərbaycan, Bakı, 16 noyabr /Trend, müxbir H.Vəliyev/
Yanvar-oktyabr aylarının yekunu üzrə Azərbaycanda elektron ticarət bazarının həcmi 1133,4 min manat təşkil edib. Bu barədə Trend-ə Dövlət Statistika Komitəsindən məlumat verilib.
Elektron ticarətin iştirakçıları elektron kommersiya fəaliyyəti göstərən, mal və xidmətlərin alıcıları olan hüquqi və fiziki şəxslərdir.
Ötən dövr ərzində pərakəndə ticarətin ümumi həcmi 9,4 faiz artaraq 14 milyard manat təşkil edib. Ödənişli xidmətlərin həcmi isə 7,7 faiz artaraq 4,6 milyard manata çatıb.
Satılan məhsulların ümumi həcmindən 55,8 faizi ərzaq, 44,2 faizi isə qeyri-ərzaq mallarının payına düşüb. Satış həcmi müvafiq olaraq 1,9 və 20,5 faiz təşkil edib.