Azərbaycan, Bakı, 30 noyabr /Trend, müxbir H.Vəliyev/
Azərbaycan Milli Elmlər Akademiyasının (AMEA) struktur bölmələrinin IP-ünvanlarından Elektrotexnika və Elektronika Mühəndisləri İnstitutunun (IEEE - The Institute of Electrical and Electronics Engineers) standartları, materialları və jurnallarının tam mətninə çıxış açılıb. Trend-in məlumatına görə, bu barədə cümə günü AMEA-nın İnformasiya Texnologiyaları İnstitutunun yaydığı məlumatda deyilir.
IEEE-nin məlumat bazasına (ieeexplore.ieee.org) çıxış dekabrın sonunadək açıq olacaq.
160 ölkədən 400 minə yaxın fərdi iştirakçıdan ibarət institutun məlumat bazası rabitə, informasiya, kompüter layihələndirilməsi, nəzarət və avtomatlaşdırma, nüvə və plazmatik elm və s. istiqamətlər üzrə resurslara malikdir.
