Azərbaycan, Bakı, 13 sentyabr /Trend, müxbir H.Vəliyev/
"Şamsung" şirkəti Samsung Books xidmətini Azərbaycan üçün aktiv edib. Trend-in məlumatına görə, bu barədə şirkətin rəsmi saytında yerləşdirilən məlumatda bildirilir.
Samsung Books xidmətində 43 mindən artıq rus, 600 Ukrayna, o cümlədən Azərbaycan dilində bədii kitablar var.
2014-cü ildə Samsung Books müstəqil naşirlər üçün açıq elan ediləcək və bu da MDB ölkələrinin dillərində kitab kolleksiyasının artmasına imkan verəcək.
Samsung Books xidməti xüsusi olaraq MDB ölkələri üçün yaradılıb. O elektron kitabların satışı və oxunması üçün nəzərdə tutulub, "Samsung" şirkətinin "Samsung Hub" rəqəmsal kontent mağazasının bir hissəsidir.