...

Azərbaycanda elektron pərakəndə ticarət dövriyyəsinin həcmi il ərzində 34,5 faiz artıb

Telekommunikasiya Materials 11 Mart 2014 16:22 (UTC +04:00)
Azərbaycanda 2014-cü ilin yanvar-fevral aylarında istehlak olunması məqsədilə pərakəndə ticarət subyektlərində istehlakçılara 3,2 milyard manatlıq və ya 2013-cü ilin müvafiq dövrü ilə müqayisədə 9,0 faiz çox əmtəə satılıb.
Azərbaycanda elektron pərakəndə ticarət dövriyyəsinin həcmi il ərzində 34,5 faiz artıb

Azərbaycan, Bakı, 11 mart /Trend/

Azərbaycanda 2014-cü ilin yanvar-fevral aylarında istehlak olunması məqsədilə pərakəndə ticarət subyektlərində istehlakçılara 3,2 milyard manatlıq və ya 2013-cü ilin müvafiq dövrü ilə müqayisədə 9,0 faiz çox əmtəə satılıb.

Dövlət Statistika Komitəsindən Trend-ə verilən məlumata görə, istehlak mallarının 1,7 milyard manatını qida məhsulları, içkilər və tütün məmulatları, 1,5 milyard manatını qeyri-ərzaq malları təşkil edib, qeyri-ərzaq məhsullarının xüsusi çəkisi 4,5 faiz bəndi artıb.

Cari ilin ilk iki ayında elektron pərakəndə ticarət dövriyyəsinin həcmi ötən ilin yanvar-fevral aylarına nisbətən 34,5 faiz artaraq 452,5 min manat təşkil edib.

Əhali onlayn rejimi vasitəsilə sifariş verdiyi istehlak mallarının 82,2 faizini hüquqi, 17,8 faizini fiziki şəxslərin ticarət şəbəkələrindən alıb.

Elektron ticarət dövriyyəsinin 91,7 faizini qeyri-ərzaq malları təşkil edib.

Məqalədə:
Xəbər lenti

Xəbər lenti