Azərbaycan, Bakı, 14 avqust /Trend, müxbir Hüseyn Vəliyev/
Rabitə və Yüksək Texnologiyalar Nazirliyi "Azərpoçt" MMC-nin şöbə və filiallarında POS-terminal şəbəkəsinin genişləndirilməsi üzrə təklifi hökumətə təqdim edib. Bu barədə cümə axşamı Trend-ə nazirlikdən deyiblər.
Nazirlikdən qeyd ediblər ki, MMC-nin poçt şəbəkəsində POS-terminal parkının artırılmasında əsas məqsəd əməkhaqqı və pensiyaların verilməsi prosedurunun sadələşdirilməsi üzrə imkanların genişləndirilməsidir: "Əgər hökumət layihəni bəyənərsə, poçt şöbələrində POS-terminalların quraşdırılması kütləvi hal alacaq".
Poçt operatorunun hər bir filialında ən azı 1-2 POS-terminalın quraşdırılması planlaşdırılır.
