...

“Əşyaların İnterneti. Növbəti nəsil” mövzusunda konfrans keçiriləcək

Telekommunikasiya Materials 24 Noyabr 2016 17:32 (UTC +04:00)
“Bakutel” sərgisi çərçivəsində “Əşyaların İnterneti. Növbəti nəsil” mövzusunda konfrans keçiriləcək.
“Əşyaların İnterneti. Növbəti nəsil” mövzusunda konfrans keçiriləcək

Bakı. Trend:

Rabitə və Yüksək Texnologiyalar Nazirliyinin təşkilatçılığı, “Huawei” şirkətinin sponsorluğu ilə 29-30 noyabr tarixlərində “Bakutel-2016” beynəlxalq telekommunikasiya və informasiya texnologiyaları sərgisi çərçivəsində “Əşyaların İnterneti. Növbəti nəsil” mövzusunda konfrans keçiriləcək.

Nazirliyin mətbuat xidmətindən Trend-ə verilən məlumata görə, konfransda “Huawei”, “SAP” və “Cisco” kimi qlobal informasiya texnologiyaları şirkətlərinin, eləcə də yüksək texnologiyalar sahəsi üzrə bir sıra beynəlxalq təşkilatların, konsaltinq qurumlarının, mikrosxem/modul/avadanlıq təchizatçılarının və mobil operatorların nümayəndələri iştirak edəcək.

Tədbir çərçivəsində “İKT strategiyası və “Əşyaların İnterneti”nə dair Planlar”, “Əşyaların İnterneti” Mühiti və Marketinq Təhlili” ilə bağlı yeni biznes imkanları kimi mövzular müzakirə olunacaq.

Konfransda, həmçinin mobil operatorlar tərəfindən idarəetmənin təkmilləşdirilməsi, rəqəmsallaşdırma və biznes inkişaf strategiyaları müzakirə olunacaq.

Eyni zamanda, forumda “ağıllı əşya”lar sənayesinin inkişafı üçün açıq və neytral platformanın yaradılması, bu sahədə yaranan problemlər və gələcək inkişaf perspektivləri ilə bağlı məsələlərə xüsusi diqqət yetiriləcək.

Məqalədə:
Xəbər lenti

Xəbər lenti