Bakı. Trend:
"Facebook" sosial şəbəkəsinin istifadəçiləri xidmətin işində qüsurlarla üzləşiblər.
Trend-in məlumatına görə, bu barədə populyar internet resurslarda problemləri izləyən "Downdetector" portalı xəbər verir.
Məlumata əsasən, "Facebook"un işində texniki qüsurlar əsasən Böyük Britaniya, ABŞ, Macarıstan və Niderlandda müşahidə edilib.
İstifadəçilərin təxminən 53 faizi xəbər lentinin yenilənməsində, 23 faizi sosial şəbəkəyə daxil olmaqda problemlərlə üzləşiblər, 23 faizi isə "Facebook"un tamamilə sıradan çıxmasından şikayət ediblər.