2008-ci ilin sonunadək rabitə və informasiya texnologiyaları Nazirliyi müəssisələrinin tərkibinə daxil olan Aztelekom İB Azərbaycanın bütün regionlarında CDMA(Code Division Multiple Access) xidmətlərini tətbiq edəcək. Bu barədə Trend ə İB-nin baş direktoru Məhəmməd Məmmədov bildirib.
Onun sözlərinə görə, hazırda texnologiyanın tətbiqi üzrə Gəncədə işlər aparılır, gələcəkdə bu xidmətlər Qəbələ, Şəki və digər regionların abunəçilərinə təqdim olunacaq. İş icraçısı Çinin Huawei şirkətidir.
CDMA xidmətləri telefonla bağlı problemlərin mövcud olduğu dağ kəndlərində tətbiq olunur. Burada vəsaitə xeyli qənaət etmək olar, çünki bu rayonlarda telefon xətlərinin çəkilməsi üçün çoxlu sayda kabel lazımdır, amma yeni simsiz texnologiya ilə bu, çox ucuz başa gəlir.
CDMA xidmətlərini hələlik Şamaxı və Naxçıvan abunəçiləri alır.
CDMA (Code Division Multiple Access -kod bölgüsünə çoxçıxışlı sistem) - rəqəmli simsiz texnologiya sonradan GSM tərəfindən işlənib hazırlanıb və ilk dəfə QUALCOMM tətbiq olunub. CDMA danışığı rəqəmli informasiyaya konversiya edir və sonra bu, simsiz şəbəkə ilə radiosiqnal kimi göndərilir. İlk dəfə 1995-ci ildə kommersiya məhsulu kimi təqdim olunmuş CDMA dünyada ən tez yayımlanan simsiz texnologiyalardan biridir. 1999-cu ildə Beynəlxalq Telekommunikasiya İttifaqı (International Telecommunications Union) CDMA xidmətlərini "üçüncü nəsil" (3G) yeni simsiz sistem üçün sənaye standartı olaraq seçib.