Azərpocht dövlət müəssisəsi poçt bağlamalarının izlənilməsi sisteminin yaradılması üzrə işlər həyata keçirir. Trend in verdiyi məlumata görə, bu barədə Rabitə və İnformasiya texnologiyaları Nazirliyinin məlumatında bildirilir.
Məlumatda qeyd olunur ki, bu istiqamətdə tədbirlər həyata keçirmək üçün xüsusi komissiya yaradılıb və artıq beynəlxalq poçt bağlamalarını izləmək üçün 5 min ədəd ştrix-kod sifariş verilib.
DM-də beynəlxalq poçt bağlamalarını izləmək üçün poçt müəssisələri üçün müvafiq elektron ünvanlar yaradılıb, poçt xidmətinin əməkdaşları üçün treninqlər təşkil edilib. İnternet şəbəkəsinin yardımı ilə poçt bağlaması barədə məlumat poçtamtlar tərəfindən öz növbəsində alınan informasiyanı müvafiq saytda yerləşdirən DM-nin elektron ünvanına göndərilir.
Ümumdünya Poçt İttifaqının tövsiyyələrinə görə, poçt mübadiləsi üzrə keyfiyyəti nəzərə alaraq poçt administrasiyaları arasında hesablamaların aparılması məsələsi qoyulub. 2006-cı ilin yanvarından hər bir ölkə üzrə beynəlxalq poçt bağlamalarının çatdırılması tarifləri bu ölkənin poçt adminitsrasiyası tərəfindən deyil, ÜPİ-nın poçt istismarı Şurası tərəfindən həyata keçirilir. Bu tarif bu ölkənin müəyyən poçt administrasiyasının tariflərinin 71,4% -ni təşkil edir. Bununla yanaşı, beş əsas göstəricinin yerinə yetirilməsindən asılı olaraq (izləmələrin beynəlxalq sisteminə birləşmək, evə çatdırılmanın təmin edilməsi, itki və ziyana görə kompensasiyanın ödənilməsi, ünvan sahibindən abunə haqqı alınması və çatdırılmanın standartlarına riayət olunması) mükafat olaraq hər bir poçt administrasiyasının 5-40% həcmində əlavə tarif nəzərdə tutulur. Azərbaycanın poçt administrasiyası 15% məbləğində mükafata layiq görülüb.