Azərbaycanın vobil operatoru "AzərcellTelecom" BM abonentlərə növbəti rouminq xidmətini - GPRS/MMS təqdim edib. Şirkətin mətbuat xidmətinə istinadən Trend xəbər verir ki, Çin Xalq Respublikasının "China Mobile" operatoru ilə müqavilə bağlanıb.
Bu, ÇXR-dən olan "GRPS/MMS" operatoru ilə ilk razılaşmadır. "Azərcell Telecom"BM artıq 31 dünya ölkəsinin 65 operatoru ilə GRPS/MMS sahəsində rouminq barədə msüqavilə imzalayıb.
"AzərcellTelecom" 1996-cı il 19 yanvarda yaradılıb. İlk təsisçilər Turkcell İletişim Hizmetleri A.S. və Azərbaycan Rabitə Nazirliyi olub.
Şirkət fəaliyyətə 1996-cı il dekabrın 15-də başlayıb, əvvəlcə abonentlərə xidmət sonradan ödəmə əsasında göstərilib, 1998-ci ildə isə öncədən ödəmə sistemi - SimSim tarif planı tətbiq edilməyə başlayıb.