2004-cü ilin iyulunda guya Rabitə Nazirliyinin və onun mövcud olmayan müəssisəsi Pochtbankın qarantiyası ilə verilmiş kreditlərin (Aztell 3035000 dollar, Baktell 1560000 dollar məbləğində) ödənilməməsi faktı iddiasıyla Azərbaycan hökümətinə qarşı iddia qaldırmış Malta bankı FİMbank (First İnternational Mershant bank) Paris məhkəməsinin qərarından şikayət vermək niyyətindədir.
Azərbaycan Rabitə və İnformasiya Texnologiyaları Nazirliyindən Trend ə verilən xəbərə görə, Parisin yuxarı instansiya məhkəməsi həbsin, Rabitə Nazirliyinin hesabından Eutelsat S. A.-ya qoyulmuş 6,5 mln. avro qədərində qiymətləndirilən vəsaitlərin ləğv olunması barədə Azərbaycanın xeyrinə qərar çıxarıb, bank bununla razılaşmaqdan imtina edib və qərardan şikayət vermək üçün Apellyasiya məhkəməsinə müraciət edib. "Apellyasiya məhkəməsi bu barədə öz qərarını 2007-ci ilin yanvarında elan edəcək"-deyə nazirlitkdən qeyd ediblər.
Apellyasiya məhkəməsi bankın xeyrinə qərar çıxaracağı təqdirdə, Azərbaycan tərəfi bununla barışmaq niyyətində deyil. Nəzərdə tutulan hərəkət planı Ali məhkəməyə müraciət etməkdir.
Qeyd edək ki, Paris yuxarı instansiyalar məhkəməsi noyabrın 10-da qərar qəbul edib. Məhkəmənin qərarına görə, bank Azərbaycan tərəfə vurduğu mənəvi ziyan üçün 5 min avro qədərində məbləğ və əlavə olaraq, məhkəmə-prosedur məsələlərinə xərclənmiş 900 avro ödəməlidir.
