Azərbaycan, Bakı /müx. Trend S.Babayeva/ Türkiyənin Telekommunikasiyalar İdarəsinin (Telecommunication Authority of Turkey) sədri Tayfun Acarerin rəhbərlik etdiyi nümayəndə heyəti Bakıda səfərdədir.
Azərbaycan Rabitə və İnformasiya Texnologiyaları Nazirliyindən bazar ertəsi bildiriblər ki, səfər zamanı nümayəndə heyətinin nazir Əli Abbasovla genişləndirilmiş görüşü keçiriləcək. Müzakirələr zamanı qarşılıqlı əməkdaşlığın inkişaf perspektivləri müzakirə olunacaq.
Acarer artıq Azərbaycan Dövlət İqtisad Universitetində keçirilən "Telekommunikasiyalar sektorunda inkişaf: problemlər və perspektivlər" adlı simpoziumun açılışında iştirak edib. Onunla birgə tədbirin açılışında rabitə naziri Abbasov, universitetin rektoru Şəmsəddin Hacıyev və Türkiyənin Azərbaycandakı səfiri Hüseyn Avni Qarslıoğlu iştirak edib.
