Azərbaycan, Bakı/ Trend müxbir Ü.İsmayılova/ Yanvar-iyul ayları ərzində rabitə müəssisələri tərəfindən əhaliyə 373.3 mln. manat dəyərində xidməti göstərilib ki, bu da 2006-cı ilin müvafiq dövründən 19,5 faiz çoxdur. Bu barədə Dövlət Statistika Komitəsindən məlumat verilib.
Həmçinin hesabat dövrü ərzində əhaliyə göstərilən rabitə xidmətlərinin həcmi 285,2 mln. manat olub ki, bu da 2006-cı ilin müvafiq dövrünü 21,3% (235,1 mln. manat) üstələyir.
Yanvar-iyul aylarında mobil rabitə sahəsindən gəlir ötən ilə nisbətən 36,3 faiz artaraq rabitə sahəsindəki bütün gəlirlərin 69,4 faizini təşkil edir.
Azərbaycanda üç GSM mobil rabitə operatoru mövcuddur. Ən çox abunəçi sayına (2,5 mln.-dan çox) Azercell Telecom BM sahibdir. Növbəti sıralarda isə Bakcell (800 mindən çoxdur) və Azerfon BM (100 mindən çox) durur.
