Azərbaycan, Bakı, 14 may /Trend, müxbirlər E.Mehdiyev, V.İmanov/
Rusiyanı "Eurovision 2012" mahnı müsabiqəsində təmsil edən "Buranovskiye babuşki" qrupu "Bakı Kristal Zalı"nda ilk məşqini edib.
Trend-in məlumatına görə, rusiyalı nənələr Bakıda "Eurovision 2012"-də "Party for Everybody" mahnısı ilə çıxış edəcəklər.
Qeyd edək ki, Rusiyanın "Buranovskiye babuşki" qrupu 40 il əvvəl yaranıb. Qrup 8 nəfərdən ibarətdir. Onların ən cavanının 43, ən yaşlısının isə 76 yaşı var. Qrupun repertuarında ingilis və rus dillərində də mahnılar var. Onlar, həmçinin müxtəlif ölkə hitlərini udmurt dilində ifa edirlər.