Türkmənistan, Aşqabad, 31 yanvar/ Trend , müxbir E.Həsənov/ "Kazan vertolyot zavodu" ASC (Tatarıstan) Türkmənistan ilə 22,8 mln. dollar məbləğində iki Mİ 17-1 B markalı vertolyot, ehtiyat hissələri və istifadə olunan materialların tədarükü ilə bağlı müqavilə imzalayıb.
Prezident Qurbanqulı Berdiməhəmmədovun qərarına əsasən, Rusiya tərəfi ilə sövdələşməni "Turkmenxovaelları" Dövlət Milli Xidməti (Türkmən hava yolları) bağlayıb.
"Kazan vertolyot zavodu" ASC 1940 - cı illərdən aviasiya texnikası istehsal edir, 1956 - cı ildən isə, xaricə tədarük edir. Müəssisə bütün Mi - 8/Mi - 17 tipli vertolyotların istehsalı və təmiri üçün sertifikatlaşdırılmış zavoddur. Şirkətin saytında yerləşdirilən məlumatda bildirilir ki, Mi - 17 vertolyotlarının etibarlılığı 50 milyondan çox uçuş saatı ilə təsdiq olunub.
Məqalə müəllifi ilə əlaqə ünvanı - [email protected]
