İranın Bəndər Abbas əyalətinin Qeşm adaları yaxınlığında zəlzələ baş verib. Bu barədə İranın MEHR xəbər agentliyi məlumat yayıb.
Tehran Seysmologiya İnstitutunun məlumatına görə, Bəndər Abbas əyalətinin Qeşm adaları yaxınlığında 4,1 bal gücündə yeraltı təkanlar qeydə alınıb. Yeraltı təkanlar İran vaxtı ilə 11:19-də baş verib. Bu gün səhər həmin regionda yerli vaxtla 10:20 radələrində də 5.4 və 3.6 bal gücündə yeraltı təkanlar qeydə alınıb. Ölən, yaralanan və dağıntılar barədə hələ ki, məlumat yoxdur.