Türkiyənin müxalif Cümhuriyyət Xalq Partiyasının (CHP) lideri Dəniz Baykal keçirdiyi mətbuat konfransında ölkəsinin geriyə addımladığını bildirib. Məlumatı Türkiyənin CNN Türk telekanalı yayıb.
"AKP hökumətinin vasitəsilə Türkiyə geriyə addımlayır", - Baykal deyib.
Müxalifət lideri onu da qeyd edib ki, AKP-nin (Ədalət və İnkişaf Partiyası) hakimiyyətə gəlməsi ilə ölkədə işsizliyin sayı artıb. Baykalın sözlərinə görə, AKP hakimiyyəti ölkənin var-dövlətini Almaniyadakı İslam təşkilatlarına xərcləyib.