Azərbaycan, Bakı, 2 iyun /Trend/
İranın Sistan və Bəluçistan əyalətinin Sərvan sərhəd zonasında polis və narkotik qaçaqmalçıları arasında atışma baş verib. Atışma nəticəsində iki polis həlak olub, bir nəfər narkotik qaçaqmalçısı yaralanıb. Bu barədə Trend ISNA xəbər agentliyinə istinadən məlumat verir.
Məlumata əsasən, qaçaqçılardan 723 kiloqram müxtəlif növ narkotik maddə və 2 ədəd motosiklet müsadirə olunub. Onlar qaçmağa müvəffəq olublar.