Azərbaycan, Bakı, 25 aprel /Trend, müxbir A.Tağıyeva /
Türkiyənin Xarici İşlər Nazirliyi ABŞ Prezidenti Barak Obamanın tarixi həqiqəti saxtalaşdıran "erməni soyqırımı" ilə bağlı dediklərinə görə təəssüfünü bildirib. Trend-in məlumatına görə, bu barədə CNN Turk telekanalı məlumat verib.
Türkiyə XİN-in bəyanatında deyilir ki, belə qeyri-obyektiv ifadələr Ermənistan-Türkiyə münasibətlərinin normallaşdırılması prosesini daha da çətinləşdirir.
"Türkiyənin yaxın tərəfdaşı və müttəfiqinin səsləndirdiyi həmin ifadələr uydurma "erməni soyqırımı" problemini daha da dərinləşdirir", - XİN-in bəyanatında deyilir.
Dünən erməni diasporunun nümayəndələri qarşısında çıxış edən Barak Obama 1915-ci il hadisələrini "böyük faciə" adlandırıb.