Azərbaycan, Bakı, 23 yanvar /Trend/
Ermənistanın və Rusiyanın Baş nazirləri Tiqran Sarkisyan və Dmitri Medvedev ikitərəfli münasibətlərin gündəliyindəki məsələləri müzakirə etmək üçün Moskvada görüşəcəklər. Trend-in məlumatına görə, bu barədə "Mediamaks" yazır.
Belə razılaşma yanvarın 22-də iki ölkənin hökumət rəhbərlərinin telefon danışığı zamanı əldə olunub.
"Tərəflər telefon danışığı zamanı ikitərəfli münasibətlərin gündəliyindəki məsələləri müzakirə ediblər, habelə regional inkişaf haqqında fikir mübadiləsi aparıblar", - hökumətdən bildiriblər.