Azərbaycan, Bakı, 2 may /Trend/
Qərb ölkələrinin nümayəndələri Ukraynanın şərqində saxlanılmış ATƏT müşahidəçiləri ilə ilk dəfə əlaqə qurmağa müvəffəq olublar. Trend-in cümə günü İTAR-TASS-a istinadən verdiyi məlumata görə, bunu Almaniya Xarici İşlər Nazirliyinin nümayəndəsi jurnalistlərə deyib.
Nümayəndə bildirib ki, onların azad edilməsi ilə bağlı danışıqları ATƏT aparır.
Qeyd edək ki, ötən həftənin sonunda ATƏT-in hərbi missiyasının 11 nümayəndəsi yerli separatçılar tərəfindən saxlanılmışdı.