Azərbaycan, Bakı, 18 may /Trend/
Suriya Hava Hücumundan Müdafiə Qüvvələrinin rəhbəri, general Hüseyn İsaak bazar günü Dəməşq yaxınlığında döyüş zamanı öldürülüb. Trend RİA Novosti agentliyinə istinadən bu barədə Assoşieyted Press agentliyi məlumat verir.
General İsaak Suriya paytaxtının cənub-şərqindəki Mleha şəhərində aldığı xəsarət nəticəsində dünyasını dəyişib. Agentliyin məlumatına görə, İsaakın ölümü haqqında xəbər yüksək vəzifəli suriyalı zabitlərin ölümü barədə son üç il ərzində rəsmi məlumatlarından biri olub.