Azərbaycan, Bakı, 19 avqust /Trend/
Türkiyədə bu gün Siirtdə törədilən terror aktında 8 əsgər şəhid olub. Trend bu barədə "Milliyyət" qəzetinə istinadən xəbər verir.
Məlumatda bildirilir ki, PKK terrorçularının Siirt vilayətinin Şirvan və Pervari rayonları arasındakı yolda yerləşdirilən bombanın uzaqdan işə salınması ilə baş verən terror aktında 8 əsgər şəhid olub.
Yerli qurumların verdiyi məlumatlara görə, hərbi maşın həmin yoldan keçərkən bomba işə salınıb.
Məlumatda yaralı əsgərlərin də olduğu qeyd olunur.
Hadisə yerinə təcili-tibbi yardım maşınlarının gəldiyi qeyd olunur.