Bakı - Trend:
Ukrayna Ali Radasına ölkə ərazisində rus dilində mətbuat orqanlarının çapının qadağan olunmasını nəzərdə tutan qanun layihəsi təqdim olunub.
Trend-in Ukrayna mətbuatına istinadən verdiyi məlumata görə, bu qanun layihəsi Ukrayna televiziya və radio kanallarında da yayımın böyük hissəsinin yalnız Ukrayna dilində olmasını nəzərdə tutur. Qanun layihəsinə əsasən, həmçinin yerli televiziya kanalları filmləri altyazılarla yayımlamaq imkanından məhrum edilir.